小家種男人? / Is he a cheap skate?

Photo Credit: Taken by Lotusandcedar May 14, 2011 inside a shop on Wellington Street, Ottawa
上图: 五光十色,令女仕目不暇接的燦爛手飾!!
下图: 一個坐在女性購物部,不知如何是好的男仕。

各位男仕,如果你和女友或妻子逛街漫步,她在商店手飾部留連忘返良久,左顧右盼,之後選擇了一件適合她心水的,轉頭对您說:『我打扮是為討你開心!!』您会有怎樣的反应?

1. 大方回答說: 『妳真有我心,讓我替妳買下罷!』您同意: 女為悦己者容嘛!!!
2. 小家種地說: 『妳真有我心,為我費這么多錢!』但心想: 妳自己賺錢買花带囉!!!
3. 不願鼓勵她,又不想逆她意,莫不經意地說: 『這么多選擇,令人眼花撩亂,我真不知那件好、那件不好。』跟著提議: 『倒不如我們用這筆錢去渡假。』
4. 明知要做「水魚」,於是破財擋災,打蛇隨棍上說:『妳買完手飾之後,我会去Victoria Secret送妳一件來襯。』可正是: 光棍遇着無皮柴:O　

哈哈!! 我個人当然覺得做人是大方的好,大家開心見誠,不要斤斤計較,感情就會自然發展。不信的話,請看以下 kittyhk78 的經驗,小家種的男人有時真是可以做到很絕、很過份的!

＂..... 係年頭透過交友網認識左一位4張既男士, 佢同媽咪相依為命, 開頭大家係信息度留下言, 傾傾下先去到電話咁, 前後2個月度啦! 大家一路未見過, 直到傾左半個月電話, 大家就出黎見面, 一見到都無咩特別, 只是無期望, 所以亦都無失望, 佢個子高但不俊, 之後大家都有feel, 出黎第3次就拍拖了, 開頭都好地地, 但係發覺佢真係小家到無人有, 連我d男性朋友都覺得佢影衰晒男人咁話.

例1~事原係咁, 佢時時提要大家付出, 講真~做女人亦唔需要餐餐佢比晒, 女既出豉油男既出雞咁啦, 已經唔港女! 佢想要做到6 4咁, 我都算, 有次食完餐飯, 之後搵公園坐傾計咁, 好自然搵7仔買野飲, 佢真係核突到將我個手袋隊落去八達通個位度, 我好識做自己拎銀包出黎仲大方, 佢既動機要我比錢我都ok, 無出聲.

例2~送我搭的士返屋企側側膀差唔多去到都坐係度, 當然我又自然比錢.

例3~我揸車出街同佢周圍去, 新界九龍咁, lunch去到food court叫我出去買野食, 全程我比晒, 到最後送佢返屋企, 佢同我食魚旦河囉!

例4~我住九龍,佢住香港, 有次諗緊去邊, 我話九龍啦! 佢竟然話, 我過黎九龍車錢來回都成20蚊, 飲野好過, 我個下真係 o嘴, 心想唔通我過黎唔駛車錢嗎? 唉~

例5~去半日踩單車, 夜晚打golf , 係個早餐錢咁大把佢出, 之後租單車, 買野飲, 之後打golf通通我比, 我完全無計唔出聲.

例6~我生日去深圳2日1夜全程我安排, 酒店住宿都係我訂既, 唔好諗住同我慶祝我唔駛出喎, 頭一日既駛費同埋酒店錢佢比, 另一日全程我比咁就叫慶祝, 當然唔駛諗生日禮物呢樣野. 係佢角度講心就ok, 物質呢d無謂野無必要就唔會買.

例7~行街見到想食既糖都係30蚊一包, 佢幫我係我個手袋度拎銀包出黎, 真係唔該晒, 我自己比錢, 之後同佢講點解包糖唔係你買既~佢就答, 我點解要買, 你食咪你買囉! @@ 難道知道女朋友喜歡食既糖都無必要去買嗎? 心淡

例8~有次同佢食"板長", 我都好就住叫野, 2個人都係食左2xx蚊, 咁好啦~無野, 半個月後無拉拉講返食壽司無乜點食都2xx蚊, 我心想~屎都痾埋啦! 仲講既. 之後佢帶我去"明將"食, 話你睇呢度平成半呀, 真係想死, 我依然啞忍, 佢就帶出話媽咪覺得百幾蚊2個人好貴喎, 可以食好多餐, 個下我真係火都黎, 我一開口就話叫佢媽咪去xx博物館, d思想幾千萬, 帶多d你媽咪出街啦! 家下就算係屋企煮都唔平啦!

例9~我想起一齊玩puzzle, 問佢好嗎? 佢好快答: 你買呀? 講真~用意我諗大家都知道想開心下一齊玩咁, 但係佢只會覺得呢d係多餘野無必要囉!

例10~我地行左2個月佢好趕時間就同我去婚前檢查, 之前問佢如果我有事唔能夠生bb咁點, 佢答如果愛對方知道對方要乜又達唔到要求咪自己離場, 我就話倒轉呢, 佢好識講, 個主動權係我度, 佢係被動, 通常女人都算, 真係太自私, 從未預過, 咁好啦~我地依時去body checking, 其實收費係每人550蚊, 佢開頭比晒, 我明知佢係咩人, 咪係完左body checking食飯比返佢, 當時我無零錢咪比600蚊佢, 點知二話不說即收仲要唔找囉, 之後我話你唔找既? 佢答呢餐當你請都得掛, 大家都會覺得請還請囉! 咁都有, 仲覺得自己岩晒, 係佢角度覺得行到呢個地步仲要找錢咁喎! 嬲死我, 因為咁呢個導火線就分手.

其實係開頭拍拖仲講明婚後要男6女4付出, 公平喎! 我講話男7女3咁啦! 佢就答到時先算, 真係唔知以為講數 ~.~ 到宜家佢同第d新識既女人都話我斤斤計較導致分手原因, 完全唔覺得自己有問題, 仲係岩晒添. 佢曾經講話入佢門唔係咁易, 真係唔知以為係豪門添. 呢個人太急要家庭要bb但係連拍拖都咁對人, 婚後點會有幸福呢~ ....."

資料來源:　【經典小家種男人, 唔知大家預過未?】發表於 2010-8-3
http://www.discuss.com.hk/viewthread.php?tid=12778607&page=1&authorid=3959452

很明顯,kittyhk78　的前任男友就屬於這边加拿大形容為 cheap skate 那一類人,孤寒財主,事事斤斤計較,嘩!連女方「婚前檢查費」找錢$150都要袋入自己荷包。他視愛情如商業買賣,視女人為生育機器。老實說,我就不會相信他的「男6女4」婚姻方程式,這位數仙士的守財奴只会永遠帶上「利、害」的有色眼鏡來衡量男女之間的關係!!