小心駛得萬年船 / Cautionary Advisories to Travelers

收買路錢打腳骨，唔畀錢唔行得

記得以前廟街時常有扯皮條嘅龜婆龜公招問過路男人: 『 妖精打架，好x精采㗎， 喂兄弟，有冇興趣？快d嚟睇啦!』有d好色嘅麻甩佬以為有筍嘢，盲撞撞咁就跟人上樓、上車、入巷仔，點知就俾人劏死牛，做咗水魚一頸血，夠運嘅就執番條命仔同底衭，無俾人捅一刀，攪鑊白刀子進紅刀子出嘅傑嘢!

而最近聽講話大陸亦愈嚟愈多d咁嘅打劫罪案。上個禮拜有位啱啱喺鄉下返嚟嘅華僑話俾我知，佢上去祖屋後邊墳場拜山都驚驚，要俾錢公安地保派人同佢去，個保鏢露械俾佢睇吓有乜乜傢伙，嘩!又刀仔，又水喉鉄，唔喺講笑!

其實我有一次返大陸都几乎領咗嘢，個日我一個人行到武漢大橋橋頭，有條友喺都到要同我睇掌，仲一手揸住我帶錶個隻手，要扣我虎口穴門，好在我及時用擒拿鷹爪功反手脫出，一路媽佢一路走人，如果唔喺連個隻疍都無埋。

旅遊外地行走江湖都喺有多少風險，唔理你喺乜嘢來頭，話哂都喺猛虎及地頭蟲，凡喺做乜都要睇定形勢，總之小心駛得萬年船嘛!

Photo Credit:

* Top: Unknown - it looks like a race in the Mongolia desert
* Bottom: Wikipedia / 中華人民共和国湖北省武漢市漢陽区武漢大橋

                           黄鹤楼眺望武汉长江大桥

Related link:  

* Fresh Designer's 2013年4月18日 blog article:
那一年，我們遇上了女人!